… आणि मुलाखतीची वेळ संपली 

येरवडा मध्यवर्ती कारागृहातील मुलाखत कक्ष आधुनिक तरी परिस्थिती तशीच

पुणे . येरवडा  मध्यवर्ती कारागृहात सेंट्रल ॲड्रेसिंग सिस्टीम् (मध्यवर्ती ध्वनीक्षेपक यंत्रणा) आहे. कारागृहातील  सत्तर टक्के कच्चे कैदी आहेत. त्यामुळे एकाच वेळी ध्वनीक्षेपकावरुन त्यांच्यापर्यंत निरोप पोहचतो. त्यामुळे सकाळी दहा वाजता ज्या कैद्यांच्या नातेवाईकांची भेट होणार आहे, त्यांना ध्वनीक्षेपकावरुन मुलाखत कक्षाच्या बाहेर बोलावून रांगेत उभे केले जाते. त्यानंतर बाहेरील त्यांच्या नातेवाईकांना सुद्धा बोलावून रांगेत उभे केले जाते.पूर्वी एका लहानशा खोलीत ही मुलाखत होत असे. कैदी व भेटण्यासाठी येणाऱ्यांमध्ये तारेची जाळी असायची. एकाच वेळी वीस ते तीसजण बोलत असल्यामुळे कोणाचे कोणाला ऐकू येत  नसायचे. एकमेकांच्या चेहऱ्यावरील हावभाव, डोळ्यांतील अश्रू, देहबोली यावरुनच त्यांच्यामध्ये सुरू असलेला संवाद हा आनंदाचा आहे की दु:खाचा हे कळायचे. त्यांना क्रोध झाला आहे की पश्‍चाताप हे कळायचे. शब्द कानावर न पडताच त्यांच्यातील संवाद काय सुरु आहे हे कळायचे. काही मिनिटांतच तुरुंग रक्षक मोठ्या आवाजात मुलाखतीची वेळ संपल्याचे ओरडून सांगायचा. त्यामुळे संवाद न होताच  पुढील मुलाखतीला येण्याचे हातवारे करुन नातेवाईक व कैदी जात असत.

      “ येरवडा मध्यवर्ती कारागृहातील आधुनिक मुलाखत कक्षात एकाच वेळी २२ कैदी व त्यांचे नातेवाईक संवाद साधु शकतात. आणखी दहा कैद्यांना संवाद साधता येईल अशी सोय करण्यात येणार आहे. प्रत्येक कैदी व त्याचे नातेवाईक यांना संवाद साधण्यासाठी दहा ते वीस मिमिटाचा कालावधी देण्यात येतो. नातेवाईक जास्त आल्यास मुलाखतीचा वेळ कमी केला जाऊ शकतो.”

– सुनिल ढमाल, अधिक्षक, येरवडा मध्यवर्ती कारागृह